اینڈرائیڈ فونز سے ڈیلیٹ ہونے والی تصاویر کیسے واپس لائیں ؟

کیا کبھی اسمارٹ فون یا ڈیجیٹل کیمرے پر آپ سے غلطی سے کوئی ایسی تصویر ڈیلیٹ ہوئی جس کے بعد آپ پریشانی کا شکار ہو گئے ہوں؟ اگر ہاں تو آپ واحد فرد نہیں جسے یہ تجربہ ہوا ہو ایسا اکثر لوگوں کے ساتھ ہو جاتا ہے اور ان کی سمجھ نہیں آتا کہ اپنی یادگار تصویر یا تصاویر کو واپس کیسے لایا جائے۔ مگر یہ جان لیں کہ ان ڈیوائسز پر ڈیلیٹ ہونے والی تصاویر ہمیشہ کے لیے ختم نہیں ہوتیں بلکہ آپ انہیں واپس لاسکتے ہیں۔ بس آپ کو طریقہ معلوم ہونا چاہئے۔

گوگل فوٹوز سے ریکور کریں
لگ بھگ تمام اینڈرائیڈ فونز میں گوگل فوٹوز ایپ موجود ہوتی ہے جو تصاویر اور ویڈیوز کی اسٹوریج اور شیئر کرنے میں مدد دیتی ہے، اینڈرائیڈ فونز میں اسے تصاویر کے بیک اپ کے لیے عام استعمال کیا جاتا ہے اور اکثر کیمرے سے لی جانے والی تصاویر یا واٹس ایپ سے آنے والی فوٹوز گوگل فوٹوز میں محفوظ ہو جاتی ہے۔ اس ایپ میں ایک کلاﺅڈ بیک اپ فیچر ہوتا ہے جو فون کی گیلری سے ڈیلیٹ ہونے پر بھی فوٹوز کی دستیابی کو یقینی بناتا ہے۔ اس مقصد کے لیے گوگل فوٹوز اوپن کر کے فوٹو لائبریری میں فون سے ڈیلیٹ ہو جانے والی تصاویر کو تلاش کر لیں اور پھر مینیو آئیکون پر کلک کر کے انہیں سیو ٹو ڈیوائس کے آپشن پر کلک کریں۔

گوگل ڈرائیو
گوگل ڈرائیو بھی اینڈرائیڈ فونز میں تصاویر کو تحفظ دینے کا ایک ذریعہ ہے بلکہ اس میں دیگر فائلز کو بھی محفوظ کیا جاسکتا ہے۔ اکثر فائلز کو گوگل ڈرائیو میں سیو کرنا تصاویر کو محفوظ رکھتا ہے، چاہے غلطی سے ڈیلیٹ ہی کیوں نہ ہو جائے یا ڈیوائس گم یا خراب ہو جائے۔ تو اگر فون سے کوئی تصویر غلطی سے ڈیلیٹ ہو جائے تو گوگل ڈرائیو میں جا کر ان کو واپس ڈاﺅن لوڈ کر سکتے ہیں۔

ریکوری سافٹ وئیرز
گوگل بیک اپ سروسز سے تصاویر کو واپس لانے میں ناکامی کا سامنا ہو رہا ہے؟ کیونکہ ایسا ممکن ہے کہ یہ تصاویر گوگل فوٹوز یا گوگل ڈرائیو سے بھی ڈیلیٹ ہو جائیں گے، جس سے ان کی بحالی زیادہ مشکل ہو جاتی ہے، مگر گوگل پلے اسٹور میں متعدد ایپس موجود ہیں جو اس میں مدد دے سکتی ہیں، جیسے ڈسک ڈیگر، ڈیلیٹڈ فوٹو ریکوری، فوٹو ریکوری اور سو لیب ریکور ڈیلیٹ فوٹوز اس حوالے سے زیادہ معروف ہیں، بس ان ایپس میں سے کسی ایک کو ڈاﺅن لوڈ کر کے ان میں موجود طریقہ کار کی مدد سے ڈیلیٹ فائلز کو واپس لاسکتے ہیں، بس یہ ذہن رہے کہ کچھ ریکوری ٹولز کو اس کام کے لیے ڈیوائس روٹ کرنے کی ضرورت ہو سکتی ہے، اگر پہلے ایسا کر چکے ہیں پھر تو کوئی مسئلہ نہیں، تاہم اگر نہیں تو روٹنگ سے بھی ڈیٹا سے محروم ہو سکتے ہیں۔

میموری کارڈ سے ڈیلیٹ تصویر کیسے واپس لائیں؟
میموری کارڈ سے ڈیلیٹ ہوجانے والی تصویر کو واپس لانے کے لیے بہترین ایپ Recuva ہے جو ونڈوز 10 پر مفت ہے۔ اسے ڈاﺅن لوڈ کر کے اوپن کریں اور اپنے کارڈ کو کمپیوٹر سے منسلک کر کے سامنے آنے والی ہدایات پر عمل کریں۔ تاہم یہ خیال رہے کہ یہ ٹول اسی وقت کام کر سکتا ہے جب تک ڈیلیٹ تصاویر کو دیگر ڈیٹا اوور رائٹ نہ کر دے، یعنی فوٹو ڈیلیٹ ہوتے ہی میموری کارڈ کو نکال دینا زیادہ بہتر حکمت عملی ہے۔

Visit Dar-us-Salam Publications
For Authentic Islamic books, Quran, Hadith, audio/mp3 CDs, DVDs, software, educational toys, clothes, gifts & more... all at low prices and great service.