پیغام لکھنے میں غلطی پر آئی فون صارفین کیا کریں؟

پیغام لکھنے میں غلطی ہوگئی تو کیا ہوا، آئی فون اسپیس بار ہے ناں۔ آئی فون کا اسپیس بار آپ کو ایک ایسی سہولت دیتا ہے جس کے ذریعے آپ اپنے لکھے ہوئے پیغام میں غلطی کو باآسانی درست کر سکتے ہیں۔ موبائل فون پر آپ اکثر اپنے دوستوں کو میسج ٹائپ کر کے بھیجتے ہیں، اس دوران غلط ٹائپ کرنے پر آپ اسے درست کرنے کے لیے کرسر کو اپنی انگلی سے حرکت دیتے ہیں جو کبھی درست اور کبھی غلط جگہ پر بلنک کرتا دکھائی دیتا ہے۔ آئی فون یہ سہولت دیتا ہے کہ باآسانی کرسر کو مطلوبہ مقام تک لا سکتے ہیں، اس کے لیے اسپیس بار کو دبا کر رکھیں اور پھر انگلی گھما کر جہاں چاہیں کرسر کو لے جائیں۔ اس طرح کسی جھنجھلاہٹ کا شکار ہوئے بغیر لفظ کو درست کر سکتے ہیں۔