گوگل کے نئے موبائل آپریٹنگ سسٹم کی آزمائش شروع

گوگل کی جانب سے کافی عرصے سے اینڈرائیڈ کی جگہ ایک اور آپریٹنگ سسٹم کو دینے پر کام ہو رہا ہے اور اب اس کی پہلی آزمائش جلد ہونے والی ہے۔ جی ہاں گوگل کی جانب سے 2016 سے موبائل فونز، لیپ ٹاپ اور کمپیوٹر سمیت ہر چیز کے لیے اوپن سورس آپریٹنگ سسٹم فویشا پر کام کیا جارہا ہے جسے اپ گریڈ کرنا کمپنی کے لیے بہت آسان ہو گا اور لوگوں کو کئی، کئی ماہ تک گوگل کے نئے موبائل آپریٹنگ سسٹم کا انتظار نہیں کرنا پڑے گا۔ اس نئے سسٹم میں موجودہ اینڈرائیڈ ایپس بھی کام کر سکیں گی اور اسی لیے اسے اینڈرائیڈ ڈیوائسز میں لانا آسان ہو گا۔ اب ایک کمپنی نے فویشیا کو اپنے فون پر ٹیسٹ کرنا شروع کر دیا ہے۔

چینی کمپنی ہیواوے کے انجنیئرز کی جانب سے آنر پلے نامی اسمارٹ فون میں فویشا کے کیرنل زرقون (سسٹم کا وہ حصہ جو میموری، فائلز اور پیریفیرل ڈیوائسز کا انتظام کرتا ہے) کو بوٹ کیا جارہا ہے۔ یہ گوگل کے لیے کافی بڑی پیشرفت ہے جسے اپنے شراکت داروں کے ساتھ اپنے مستقبل کے ساتھ آپریٹنگ سسٹم کو آزمانے کا موقع ملے گا۔ تاہم فویشا کی باضابطہ آمد آئندہ چند برس سے پہلے ممکن نظر نہیں آتی جبکہ گوگل کی جانب سے اینڈرائیڈ کیو کی تیاری پر بھی کام ہو رہا ہے جو کہ اگلے سال متعارف کرایا جائے گا۔

ماضی میں سامنے آنے والی تفصیلات کے مطابق فویشا میں ہوم اسکرین میں اینڈرائیڈ یا آئی او ایس کی طرح ہوم اسکرین پر ایپ آئیکونز کا ہونا ضروری نہیں ہو گا بلکہ اس کی جگہ مستطیل سیکشنز ہوں گے جبکہ اسکرین کے نیچے ہوم بٹن ضرور ہو گا۔ اس میں ایپس کو اوپن کرنے پر پوری اسکرین کی جگہ یہ فویشا آپریٹنگ سسٹم کے اوپر تیرتی ہوئی محسوس ہوں گی جبکہ وقت اور بیٹری انڈیکٹر اوپر کی بجائے نیچے ہو گا اور ہاں گوگل اسسٹنٹ تو اس میں بھی موجود ہو گا۔
 

Visit Dar-us-Salam Publications
For Authentic Islamic books, Quran, Hadith, audio/mp3 CDs, DVDs, software, educational toys, clothes, gifts & more... all at low prices and great service.